4. ariketa: Teaser kanpaina baten bi aurpegiak

2005eko udaberrian Movistar marka berritzeko kanpaina hasi zen. Gogoan ez baduzu, horren inguruko berria hemen topa dezakezu. Hamabost egunez teaser kanpaina baten alde egin zuten, logotipo berria, M malgu eta puztu hori, aurkeztu nahian. Bestelako teknika berritzaileak ere erabili zituzten.

Kanpaina honetan, Espainian zein Hegoamerikan aldi berean zabalduta, 75-100 milioi euro inbertitu zuen Telefónica-Movistar konpainiak. Kopuru handi samarra.

M hori edonon ikusi genuen hamabost egunez. M hori zer ote zen galdetu genion geure buruei (ala ez?). Zure esperientzian oinarrituta...

a) zure atentzioa deitu zuen? kuriositatea piztu zizun?

b) norbaitekin komentatu zenuen?

c) harridura sentitu zenuen kanpaina horren atzean nor zegoen jakiterakoan?

Interneten afera honen inguruan denetariko iritziak aurki daitezke. Bereziki esanguratsuak dira hau eta hau.

d) Guzti hau kontutan hartuta, ze iritzi duzu teaser moduko kanpainen inguruan? Ze alde txar eta on ikusten diezu?